|
beeld: Kaza Poorter |
||||
|
tswai vingere |
||||
|
|
Mai
De sjterebilder va mai zunt Sjtier en Tswieëling
Planete
Jupiter in 't westnordweste in d'r oavendsjiemer. Mars bis 26 mai in 't weste. Venus in d'r mörjesjiemer jans neer in 't oste. Saturnus in d'r mörjejsimer in 't ostzuudoste.
3 mai
Links va d'r mond sjteet Mars.
23 mai
Saturnus en Venus kótbij d'r mondsikkel.
D'r jank van de tsiet
Ing verzamloeng va jediechte en sjtuks-jer proza. D'r sjriever Wim Heijmans nimt d'r leëzer mit óp inne sjpatseerjank durch 't joar. 't Bóch kan me krieje in de bucherjesjefter Deurenberg i Kirchroa.
25 mai
Óp zoondag 25 mei aonstaond zalle tösse 14.00 en 16.30 oor versjèllende diechters (Wim Kuipers, John Hertogh, Wim Heijmans, Phil Schaeken, Godelieve van Gemen, Colla Bemelmans, Wim Kallen) veurdrage oet eige werk, daobij aofgewisseld door muzikant Frans Hermans dee zien leedsjes in ’t Limburgs zingk.
- De poëziemiddag vint plaots in Studio Oensel. Dat is ´n hoeskamertheater mèt e beperk aontal zitplaotse (ca. 50).
- ’t Adres vaan de Studio is: Haagstraat 11 – 6333 EP Schimmert. De Studio ligk achter ’n hekwerk mèt ’n poort, die altied ope steit en boe-achter ziech e parkeerterrein bevint boe geer euren oto kwiet kint.
- Tickets veur bezeukers zien veur € 15,00 euro te koup op de website vaan Studio Oensel meh de diechters höbbe oeteraard vrij entree en dat gelt ouch veur éinen introducé(e) dee geer mèt maag numme.
- Koffie en vlaoj veuraof en ’n drenkske achteraof zien inbegrepe.
|
Vertaling gedicht 'tswai vingere' (boven aan de pagina!)
|
Hillieje
Hillieje oavend. ’t Jroeëse moment van de krismes. De kingervräud jewase i volwase hoed. ’t Marij umermt ziene oersjrpónk. Hei ’t dörp bij zieng famillieë. Hu d’r mörje van d’r ieëtsjte krisdaag sjpatseert ’t vuur ziech alling. Sjtrak zitst ’t hoes vol bij zieng mam en pap. Um tse viere. Da zalle ze óch d’r krissjtal óp d’r kirchplai bezukke. Noen wil ’t effe alling zieë. Mit de jedanke an ’t Sietske. Zieng vrundin. Mörje kunt het óch eraaf. Da zunt ze tsezame. Het is noen óch bij zieng eldere. ’t Marij leuft uvver d’r kirchplai. Kiekt ins noa d’r krissjtal. E roeëderbusj-je hipt eri.
‘Kling bezuk. I roeë kluur. Va leefde,’ dinkt ’t Marij.
’t Vuejelsje kunt werm eroes. Vleit uvver d’r plai. Het kiekt ‘m noa. Leuft die zie oes. Noa d’r veldwaeg. Mit ’t hoes van d’r sjriever. ‘t Kes-je hingt nog ummer an d’r jieëvel. Um ing jesjiechte i tse doeë of mit tse neëme. E kink mit ing mam sjteet d’rbij. ’t Klingt sjtrekt ziech oes óp de tsieëne. Duit e kriskrens-je in de bus. ’t Marij laacht ins.
‘Kling bezuk. Kluur va leefde.’
Het deed d’r voeëjel noa. ’t Kink ziet ‘t. Sjpreit óch de erm.
‘Engel,’ zeët ’t Marij.
’t Kink laacht.
‘Sjun Krismes,’ zeët de vrauw.
Het kiekt ze noa. Ze vleie wieër.
‘Hillieje vuejel.’
|
SJWATSE KATER
HIER de Laudatio, de speech van Wim en van de burgemeester
|
Antwoad
’t Is noen e joar jeleie. D’r Jean kroog tillefoon van ing vrundin va lang jeleie. ’t Milly. E jesjprieëch uvver krankheet. Nit mieë besser weëde. Het wool nog ins ing kier mit hem kalle. Uvver wat jeweë is. En vuural wat kome jeet. Heë kluret de wöad mit dank, mit vertrouwe. Jejaose i bilder van ónendliegheet. An d’r rank van de zieë. Boave óp inne hoeëje berg. Ing sjterenaat.
Dat hant ze kanne dele. ’t Milly en d’r Jean. Het noom ze mit. Vuur ’t moment van absjied. En deë daag koam al flot.
Jenauw wie vurriegs joar sjteet e vuur de vinster. Kiekt eroes en óch noen is ’t inne reëne daag. ’t Sjilderij dat heë doe moalet, hat e bij de vinster jezatsd. ’t Bild van absjied sjpeielt in de roet. Kluurt de drupe reën. Roetsje langs de vinster. ’t Jezich van ’t Milly jlietsert óp de roet. An duur leuft ing vrauw verbij. In ing hank d’r sjirm en de anger d’r tillefoon. D’r Jean drieënt ziech um. Leuft noa ziene tillefoon. Lekt ing hank dróp.
‘Nuuks endert ziech. Bliet i bilder. Va kuunsler. Mieë wie vroag. Jans ‘t antwoad.’ Kiekt nog ins noa de vinster. Jeet noa de pienzele en de verf.
‘Joa jans ’t antwoad. Dat sjtimt. Sjtrich vuur sjtrich. Intsieg. De waal.’
D’r tillefoon likt óp d’r dusj. ’t Milly klinkt. Jenauw wie vurriegs joar en alle joare. In de lies va jeveul.
|
Bekijk HIER de video van de rap POSITIEVE STAD |
In 'Plat-eweg' vaan Henk Hover op L1 Radio leust Wim veur oet eige werk.
Nuutsbreef Veldeke
Interview met Wim Heijmans, winnaar van de Sjiek Literatuurprijs
JEDIECHTE-PAD
't Jediechte-pad mit jediechte van d'r Loek van de Weijer, d'r Paul Weële en d'r Wim Heijmans.
teller
1142721
| vandaag | 355 |
| gister | 401 |
| deze week | 2369 |
| maand | 11644 |