tswai menute
’t is sjtil
de tsiet tiekt ’t verbij
i tsekonde jank
klinkt in d’r noaklank
van ing trompet
mit i-jehaode tuen
ze oame verdris
mit jewald jedanke
ze oame absjied
uvver krig sjterve
’t is sjtil
de tsiet tiekt ’t kome
i menute jank
klinkt in d’r bejintoeën
van inne blöazer
mit oes-jebloaze kleng
ze oame ónzicher
mit angs jedanke
ze oame tswiefel
uvver leëvens kanse
’t is sjtil
de tsiet tiekt ’t joa
i sjtonde jank
klinkt in de forte tuen
va moeziekante
mit sjallende vräud
ze oame vertrouwe
mit sjpas jedanke
ze oame hofnoeng
uvver bluiend leëve
jao vier junt mit
moezieker
i tsiet sjrit
hinger diech
i moeziek tsóg
i leëvens sjrit
i leefde
joa vier junt mit
diech mit moezieker
sjpil d’r troeës
de hofnoeng
klinkt mieë
wie tswai menute
vier junt
mit diech mit
joa i leefde
2025
POËZIE 2025
bild vesper streefkerk
kloon
bild va vasteloavend
‘ne kloon
mit hód va jood papier
jlietsert in d’r zonnesjien
flieëtjer mit reënboag sjtriks-jer
vräud oge i zommerklure
zilver blinkende sjtere laach
jlietsert in d’r mónk
hingt an de vinster
bild va vasteloavend
‘ne kloon
oes de heng van e kink
wirklieg sjpraechend
vräud sjiengend
ainfach zuver
heem an mieng vinster
’t hats van ‘ne kloon
2024
bild: vesper streefkerk
Het gedicht ‘klure’ is geïnspireerd door een schilderij
van de Kerkraadse kunstenaar Piet Moonen (1910 -1987).
Ik las het voor bij de kunstmanifestatie
‘Een eeuw kunst in Kerkrade’ (2024).
klure
klure umsjtrengele ziech
oes roepsj jeboare
sjlunt vluejele oes
vlinder tsaart
durchzichtieg hoedsjienged
klure bevruete ziech
in oersjprónk
sjenke jeveul
vluejel lieët
um diech tse umsjtrengele
2024
schilderij Piet Moonen (1910-1987)
loeëtII
loeët is vuur vuejel
wasser vuur visje
land vuur lu
die drieve
mit vuejel
visje
loeët is vuur wólke
wasser vuur jolve
land vuur lu
die woeëne
i wólke
jolve
loeët is vuur vliejere
wasser vuur bote
land vuur lu
die junt
i lóf
drupe
loeët wasser land
vuur diech mie kink
sjweëf drief jank
i leveënsweëd
leefde
2025
