Columns

D’r Oeësterhaas hat zie werk jedoa. Kinger vräud braad. ’t Sjpel va versjtaeche in d’r vrugjoarjaad. Klure-sjtroale. En da tietsje. Mit of oane foetele. Zoeë óch bij ’t Bertie en d’r Wiel. Mit de kinger bijenee. Rónk d’r dusj.

Óp d’r jroeëse plai weëd ing buun jebouwd. E plakkaat an inne poal versteld wat jeet passere. ‘White Thursday’ sjteet dróp. ’t Bertie en d’r Wiel blieve sjtoa. ‘Wiese donnesjdieg,’ zeët ’t Bertie. ‘Zier jód va diech,’ tsenkt d’r Wiel. ‘Woarum in ’t Engelsj?’

De broeng bukkebleer winge intsel oes de hek. Reste nog va d’r winkter. ’t Vrugjoar tseecht ziech in d’r kalender. Evver nit in ’t weer. D’r jank noa de Jouw Waech is mies. Hu d’r zamsdieg sjleet de troerklok. Me verzammelt ziech in de kirch vuur ’t absjied va d’r Kep.

Doa junt ze da, ’t Bertie en d’r Wiel. Inne middieg noa ’t tejater. E jesjenk va de [...]

Veëntjer en ballonge hange óp bij ’t bucherjesjef. ’t Is fes. Mit en durch de bucher. Ing waech lang. Ing vrauw mit e kink an de hank kome aalofe. ‘Kiek, mam, ballonge.’ Het duit de naas teëje de roet. De mam nimt ‘m mit eri. Mit jroeëse oge kiekt ’t noa de ballonge.

Vóssjtep in d’r sjnei. D’rneëver hongspuetjer. D’r Joeëhan sjpatseert. Neëver ziech triepelt d’r hónk. Sjnei in d’r meëts. De vrugjoarvräud kriet ing winkterkluur. Wies i jreun. An de anger zie van de sjtroas leuft inne verbij. ‘’t Hat jesjneid.’ D’r Joeëhan zeët i ziechzelver: ‘Wat-s te nit zeës.’

De ieëtsjte rungde tsiedónk leëze hat d’r Wiel hinger d’r ruk. Heë vauwt ze tsouw. Kiekt eroes. D’r ieëtsjte mondieg va d’r nuie mond. De tuut klinkt an duur. ’t Woar inne sjmiesmörje. De zon lieët ziech jet zieë. Bleech. Inne miepmop fladdert durch d’r jaad. Zetst ziech óp de blui van d’r ummerjreun. D’r wink bloast jet bleer rónk.

Jevroare hat ’t dis naat. Auto’s zunt wies. ’t Is nog frisj. De zon kunt boave d’r horizon oes. Sjiengt in de blauw loeët. D’r Joeëhan sjpatseert in deë kluurrieche mörje mit d’r hónk. Óp d’r ek van de sjtroas sjteet e jroeës sjild. Mit alle meuglieje köp va vrundlieg kiekende lu. Binnekóts kan werm jeweëld weëde.

Ze kanne nit wade mit bijenee kome. De tswai breur. Jans jet joare aintseljenger in d’r óptsóg. De letste tswai joar zunt ze nit wieër kome wie ing rungde rónk d’r kuchedusj. Mar dis joar jeet e werm trekke. Inne richtieje tsóg. Doa zitse ze werm in de kuche. Óp d’r dusj likt e jroeës sjtuk papier.

In de winktertsiet vieët d’r Hannes jemindlieg winniejer kilometere. Kunt e nit ezoeë wied. Evver hu, inne van de ieëtsjte zóndieje in d’r jannewaar wil e durch dat ee dörp fietse. E dörp va vräud. Woa de klok in d’r kirchtoer zieng klanke va bejrif uvver de landsjaf lieët sjalle. Heë sjtiegt doa jeer aaf.

De krisdaag woare ’t Marij en ’t Sietske mit hön kinke Ingel bij de eldere van ’t Sietske. Noen de daag d’rnoa bij de eldere van ’t Marij. De ieëtsjte krismes van ‘t Ingel. Sjtoots maache ze inne sjpatseerjank durch ’t dörp. Tsezame duie ze d’r kingerwaan. Hei en doa jeet ing duur óp.

’t Rent al d’r janse mörje. ’t Bertie en d’r Wiel sjtieje in de bus. Vurrieje waech bellet hön klingkink. ‘Oma, opa, komt uur óch. Iech bin hiert’. Doa broechete ze nit lang uvver noa tse dinke. Ze junt hu d’rhin. E krissjpel óppen sjoeël. De bus trukt óp. D’r Wiel kiekt eroes.

’t Is werm zoeë wied. D’r herfs-trit van d’r Hannes. In e vrugjoar weer. Noa d’r man van de eppel. Dizze zommer hat heë ‘m nog jezieë. Doe varet e óp inne bakfiets rónk um blomme oes tse dele. Heë ziet ‘m al sjtoa. In de sjuur. Ze winke noa ee. D’r Hannes völt ziech de fiets-taesje mit eppel. D’r man vrundlieg wie alle joare.

Ze haode ’t in iere. De joaresfester. D’r haodvas in de tsiet. Vuur de manslu van de bank is ’t e treffe. Jemindlieg is dat bij de bank. Evver bij de fester is ’t e bezónger moment in ’t joar. Ing vruet an d’r krans van de tsiet. Hu d’r kirkhof. Doa kome ze bijenee. Ze neëme ‘m óngerhengs. Da ziet e zóndieg mit Allerhillieje faierlieg oes.

‘t Lieza bekiekt ziech ins d’r Joeëhan. ‘’t Is doch kappes wa man. Zitse vier i hoes. De haitsoeng neer jezatsd. Elektriesj kecheltje aa. ’t Oavends mit ing dekke um an d’r tillevies.’ ‘Zoeë is ’t noen eemoal, Lies. En los ós mar hoffe dat vier jinne kauwe winkter krient. Noen vool deë al jet joaremit. D’r letste ‘Elfstedentocht’ likt wied hinger ós.’

Ee moal in ’t joar treffe zie ziech. Ze zunt mit drei man. D’r Joep, d’r Joeëhan en d’r Sjarel. Me is ’t d’r Joe-daag jange neume. Ze hant dik vóftsieg joar jeleie tsezame óppen sjoeël  jezaese. Ze bezukke de sjtad woa de sjoeël woar. Ze kome bij d’r Joep heem bijenee. Deë woeënt vuur ziech alling.

Inne jode herfsdaag. Klure juuche oes beum en sjtruuch. Tuen roesje langs bleër. Aavank van d’r oktober. Druegt ’t naas van d’r tseptembermond. De middiegtem-peratoer keurt de hoed. ’t Bertie en d’r Wiel jenisse ‘t kluresjpel en de noajoarsklanke. Ze maache inne sjpatseerjank durch dat herfskonzeët.

E inkel blad likt óppen eëd bij de bank. D’r Hain zetst ziech. Heë is d’r ieëtsjte. An de uvverzie kunt jraad d’r Karl aalofe. Heë zetst ziech óch d’rbij. Inne van de jemeende is ’t dóch ‘de scholen zijn weer begonnen’ aaf an ’t hoale. Dat woar tusje tswai beum jesjpanne.

De kóffere hat e i-jelane. D’r Jean kiekt nog ee moal durch de vinster noa d’r jaad. Paarse herfsblomme luete óp. Ing noajoarkluur. Ze uberasjt hem jiddes joar. Inne jrós an hem, ier heë vertrukt. Noa ’t zude vuur ’t lit in de winktertsiet.

Dis joar kanne ze nit mit d’r fiets noa ’t koensdörp joa. ’t Sjmiest jet. Nit plezerieg um durch dat weer tse vare. ’t Bertie en d’r Wiel junt mit de bus. Bekieke ziech de nase welt va hinger de vinster. Zient ’t dörp noen óch flotter kótterbij kome. ’t Bertie hauw ziech vuur alle zicherheet d’r sjirm mitjenoame.