Buizerd
‘Kiek papa.’
E junke wiest noa de loeët. Inne jroeëse voeëjel vleit an de anger zie va de jrens. ‘Dat is inne buizerd, Davie.’
’t Junke bliet sjtoa. Effe mar. D’r pap leuft durch. D’r Davie jeet hinger hem aa. D’r pap is ónrui-ieg. D’r wedstrijd kunt kótterbij. ’t Doert hem tse lang. Doarum is heë mar jet jange sjpatsere.
D’r Davie leuft neëver hem. Heë maat eëve jroeëse sjtep wie zienne pap. D’r pap jeet lanksamer lofe en maat ummer jroeësere sjtep. D’r Davie deed hem noa. Heë hilt ziech an ing bóksepief va d’r pap vas. ‘t Weëd ummer lestiejer vuur hem de bee tse sjtrekke. D’r pap zetst hem óp zieng vus. Zoeë lofe ze tsezame wieër. D’r vóstrit van inne pap en zienne jong. Hönne laach klinkt uvver d’r vóspad.
Ze lofe werm neëveree. D’r pap sjwiegt. D’r Davie verzukt ’t nog ing kier um jet sjpas tse maache.
‘Papa, de oma kunt óch kiekke.’
Jemindlieg zeët d’r pap da ummer.
‘Went ze mar sjwiegt en in oranje bikini kunt.’
Dat zal nit passere. Doarum is de oma noeëts kómme kiekke. Döks hant ze hei vuur mósse laache. Mar noen jrieëmelt d’r pap ins.
’t Is werm sjtil.
’t Sjpel va winne en verlizze.
Va sjpas en leed.
Zoeë kótbij.
Va kings aaf aa jek óp deë bal. Deë oranjebal. De albums mit de foesbalpleëtjer. Heë hat ze nog.
De jesjiechtens van zienne pap en zienne opa. Ze zose vuur d’r radio tse loestere noa Holland-België.
‘Hup Holland Hup,’ zónge ze in de rust.
Went ze de sjtroas i lofe, vingt d’r pap häusj aa tse fleute.
‘Bloed, zweet en tranen.’
D’r Davie kiekt hem aa.
‘Vier junt winne papa.’
D’r pap sjlist de oge en knikt.
D’r man van de uvverzie sjteet an duur. Heë is jans in oranje. Óp de bakke roeë, wies, blauw jesjmienkt.
‘’t Weëd tsiet,’ ruft heë.
D’r pap laacht en jeet eri.
De mam sjteet in de kuche. Ze sjniet d’r oranje kóch aa.
‘Mama, vier hant inne buizerd jezieë. Doahinge, uvver de jrens.’
De mam kiekt durch de kuchevinster.
‘Joa, óp ’t Dütsj?’
Ze vingt aa tse laache. ’t Letste woad hat d’r pap nit mieë jehoeëd. Heë is al de trap eróp um d’r oranjetriko aa tse doeë. D’r Davie hat e kepje óp en foesbalt in d’r jaad mit inne oranje bal. Tswai jole hat heë al jemaad. E jód tseeche vuur jeliech.
Vuur de tsiet va angssjwees.
De tsiet va sjraie.
De tsiet va polonaise.
De tsiet va troane uvver ’t roeë, wies, blauw.
De tsiet va…
D’r buizerd drieft hoeëg in de loeët.
De vlüejele jesjtrekt.
De zon jeet ónger.
Oranje.{gotop}
