Jister woar ’t d’r daag um de vaan haof an d’r kuul tse losse winge. Um doeë tse jedenke. Jevalle in d’r krig. Hu weëd ’t fes va vrid jevierd. De vane sjtieje an d’r kuul. Noeëts mieë krig. Wie woar kan ’t zieë. Vroagtseechens winge mit. Wie lang nog? Ier krig doa is. Moeziek sjpilt. Jediechte wöad drieve in inne oam va hofnoeng. Vuur vlamt wunsje. Losse vier ’t weëd zieë. D’r vrid.
Lu zunt óp de bee. Lofe in inne tsóg durch de sjtroase. Óch ’t Bertie en d’r Wiel. Blikke va vräud versjwumme i zörg. Ze dinke an hön klingkinger. An de joare die vuur hön nog kome. Hofnoeng va vrid. Tse kanne zieë wie-ts te bis. Ze zetse tseechens i hön sjritte. Vier junt d’rvuur. En blieve joa. Óch noa hu. Nit alling hei in de sjtroase. Óch wieër. Uvver jrenze hin.
De vaan va vrid wingt i tsezame.
2026 mai II
