Wits te nog
Noa de sjtad junt ze nit mieë. Waal i jedanke. Hu d’r könneksdaag. Oeëts i hön sjoeëltsiet hant ze ziech jetróffe. Jong lu óp e jroeës dansfes. In die tsiet ‘t könnejinnefes. ’t Bertie en d’r Wiel. Ze jenisse ’t nog. Sjpatsere hu noa d’r plai. Woa kinger sjpieële. Zaachens verkofe. Jekleid i sjtroalende klure. De harmonie sjpilt. Vane winge.
Ze kieke ziech aa. Wöad klinke in ’t jeveul.
‘Wits te nog?’
Danse wie in de sjoeëltsiet dunt ze nit mieë. Drinke ziech waal nog jet. E jlaas in oranje kluur. Zonnekloar ónger inne bloa himmel. De sjteul óp ’t terras weëde mit en mit bezatsd. Me jrust ziech. Inne daag um ziech tse treffe. Va jónk bis aod.
Wen ze noa heem junt, blieve ze nog effe sjtoa. An d’r rank va d’r plai. Bekieke ziech dat vräude sjpel. Inne man kniepst foto’s. Zieng bilder zunt jediechter. Zoeë wóngerlieg. Ing wirkliegheet um noa tse verlange. Dreëgt ’t klure sjpel va d’r plai i foto’s noa mörje. ’t Bertie en d’r Wiel kenne ze. Ze jrusse ziech. Mit oge die sjpraeche. Wöad klinke in ‘t jeveul.
‘Los ’t mórje nog zoeë zieë.’
2026 mai I
