tswai menute
’t is sjtil
de tsiet tiekt ’t verbij
i tsekonde jank
klinkt in d’r noaklank
van ing trompet
mit i-jehaode tuen
ze oame verdris
de tuen
mit jewald jedanke
ze oame absjied
de tuen
uvver krig sjterve
’t is sjtil
de tsiet tiekt ’t kome
i menute jank
klinkt in d’r bejintoeën
van inne blöazer
mit oes-jebloaze kleng
ze oame ónzicher
de kleng
mit angs jedanke
ze oame tswiefel
de kleng
uvver leëvens kanse
’t is sjtil
de tsiet tiekt ’t joa
i sjtonde jank
klinkt in de forte tuen
va moeziekante
mit sjallende vräud
ze oame vertrouwe
de tuen
mit sjpas jedanke
ze oame hofnoeng
de tuen
uvver bluiend leëve
jao vier junt mit
moezieker
i tsiet sjrit
hinger diech
i moeziek tsóg
i leëvens sjrit
