Wassersjtroal
De jedanke ziene vrije loof losse joa. Dat kan d’r Hannes went e zieng toere fietst. De tsiet va hinger ziech jeet mit. ’t Woar van al tse doeë. Vöal lu óp de bee. Moeziek oes jans jet leng klónk in de sjtad. Ze sjpillete vuur d’r jroeëse pries. Ins in de veer joar.
’t Likt noen allenäu al e sjtuk hinger hem. De rouw jeet mit. En dat jevilt d’r Hannes. Durch de velder. Heë beziet ziech ’t jeweks. Wasser sjprietst. Sjuts teëje de druegde. De mörjezon sjiengt in de sjtroal. Moalt inne reënboag. Dat natoersjpel lieët ‘m aahaode. Zieng jedanke va jister daag hoale ‘m i. Lu dansete i vräud durch de jroeëse sjtad. I reënboag klure. Bis ze verbleechete. Oes-jebloaze durch inne miensj. Loos zieng sjpore hinger mit de reër va ziene auto. Vräud en leed vermiesje ziech. Ing tsiet sjtaart d’r Hannes vuur ziech oes. Lanksaam kunt e werm i ziene trit. Kiekt sjnak vuur ziech oes. Inne ópróf kunt in ‘m óp. An alle moezieker in de sjtroase. An alle die bij ’t fes woare. Los uuch hure. Dans mit óp d’r reënboag. Tseecht zieng klure. Da verdeens te d’r huekste pries. Va miensjliegheet. Vuur jidderinne óp zieng eje aad en wies.
D’r Hannes kiekt nog ins um. Ziet de wassersjtroal. Zörg vuur ’t jeweks. Joa. Zoeë óch vuur de miensje. Ós zörg. Jiddes joar.
