Sjpieëldues-je

’t Roos pakt de pief en rücht draa. Doeëd ruucht angesj wie leëve, zicher bij toebak. De pief likt werm neëver de foto. Ing hank hilt d’r rank van ’t naatskommuedje vas.

Wie ’t sjloffe jong, maachet het de vinster van ’t sjloftsimmer óp. D’r keule oavendwink sjtrieëlet zie hoar. De linte dansete mit. ’t Maachet ze los en duiet ze teëje d’r mónk.

I D’r sjtool kraacht wen het zitse jeet. De jardienge vuur de vinster zint an zie jesjoave. Het kiekt eroes noa d’r jaad. Zie sjwester kunt ’t trepje noa d’r hof eróp. ’t Kost muite.