Columns

Inne daag um ’t aese nit tse verjaese. ’t Drinke nit uvver tse sjloa. Óp zoene daag treffe ze ziech werm. Jet jonge oes de sjoeël va vruier. Vurriegs joar woare ze óch al doa. In dat jemuutlieje tsimmer. Van dat sjun hoes an d’r rank van d’r busj. Inne daag bij d’r Pee en zieng vrauw. Um e joar lang ziech doa-óp tse vräue.

Inne reëne daag. Frisj. ‘Tse kaod vuur de tsiet van ’t joar’, zeët d’r weerman. En ’t ziet d’rhin oes dat ’t nit flot besser weëd. D’r Wiel bedinkt ziech um d’r zölder ins tse joa bekieke. ’t Bertie hat d’r vrugjoarspoets vuur de Oeëstere jedoa.

’t Is werm zoeë wied. Mit de bus óp vakans. Noa de berje. Wie jiddes joar. Natoer. Sjpatsere. Hutte. Kui. En dat allenäu in echo. Mar ieëtsjt ‘t kóffer ipakke. Doa vingt de rees mit aa. Trap óp, trap aaf. E jroeës kóffer. En jet taesje. De mieëtste plaatsj is vuur ’t Lies.  Doa hat d’r Joeëhan ziech mit de tsiet bij neer jelaad.

’t Is inne daag um sjtil tse zieë. Veer mai. Tswai menute um mieljoeëne doeë. Miljarde krigs-jeld. De vane hange haofsjtok. D’r Hannes is óngerweëgs óp d’r fiets. Óp waeg noa ing plaatsj oes ing jejsiechte. Heem döks vertseld. D’r Hannes is noa d’r krig jeboare. Zieng breur en sjwestere nit. Ze zunt va vuur of oes d’r krig.

Zommerlieg zunt de temperatoere. Vrug in d’r mai. Tsiet va kótte bókse brikt aa. Evver ’t mörjens kan ’t nog frisj zieë. Dat hat d’r Hannes d’rvuur uvver. De tsiet vuuroes zieë. Vernikkele van de kouw. En sjtrak sjtriecht d’r zommer langs de bee. Noen nog ónbekankd. In de tsiet weëd ’t wal bekankd. ’t Is sjun ruiieg.

Zamsdieg. Inne daag um vrij tse han. Zicher hu. Doa vilt jet tse viere. Da zunt d’r Joeëhan en zieng vrauw d’rbij. ’t Fes van oranje. Ing kluur die hön wal likt. Jans besjtimd noen. Doa vilt jans jet tse viere de letste tsiet. Bij ‘t voesballe weëd al mieë jewonne. Mit vuuraa bij ’t autorenne. En da ’t fietse.

E jroeës sjpektakelsjtuk woar ’t jister óp d’r maat. Jans jet jong lu woare óp de bee. Danse, sjpringe. Moeziek sjallet oes boxe. Mörje jing sjoeël. Ing kótte vakans. ‘White Thursday’ sjtéet óp e sjpandóch. Hingt boave de buun mit d’r diskjockey.

De jouw waech. Da weëd ’t tsiet um noa d’r zölder tse joa. D’r Joeëhan kunt eraaf mit ing doeës woa jroeës óp sjteet jesjraeve: ‘Oeëstere’. Zetst ze óp d’r dusj in ’t tsimmer. ‘Bis te doa?’ In d’r ek van ’t tsimmer sjteet ing voeëjelskauw. Mit doa-i ing pappejai. Die is van ’t sjwester va zieng vrauw.

De trekvuejel sjlunt hön vluejele oes. Kome tseruk. Uvver de jrenze. De rennere sjtieje óp de fietse. Vare oes. Vleie uvver de huevele. Jeboage óp de fietse. Sjnelheet. D’r Hannes holt d’r fiets oes d’r sjtal. Oes d’r winktersjlof. Kunt lanksaam óp jank.

Bij d’r tsankdokter woar inne tsank aafjebraoche. Doarum mós ’t Bertie noa ’t sjpetaal Doa weëd d’r tsank droes jehold. D’r Wiel is mit ‘m mitjejange. Tsezame zitse ze óp d’r jank bij ’t tsimmer van d’r dokter. E paar sjteul wieër zitse óch inne man en ing vrauw.

Sjtórm, reën. Vöal reën. Jenóg vuur inne werme zommer. Dat vingt d’r Wiel. Heë is jeer an duur. E vrugjoarkink dat huppelt tusje blomme. Ziene jeboertsdaag, óp d’r ieëtsjte daag van ’t vrugjoar. Jenist d’r sjpatseerjank mit zie klingkink. Hat ’t bild van e kink in de tsiedónk vuur oge.

’t Sjtórmt. De ieëtsjte berichte uvver umjevalle beum vleie durch de loeët. Jinne hónk deë-ts te in dat weer eroes sjiks. D’r hónk va d’r Joeëhan mós evver waal. Al is ’t e klinger sjtuk wie angesj. ‘Ziech vuurzichtieg,’ zeët ’t Lies. ‘Kiek oes vuur tek. En panne kanne van de daacher vleie.’

D’r Vasteloavend vilt sjpieë dis joar. Evver d’r Aesjermitwoch is vrug. Daag van absjied. Van aesj. ’t Zoer van loslosse. Hu nit d’r daag noa ’t fes. D’r daag vuur ’t fes. Inne dónkele mitwoch mit ing vrugjoarzon. In ’t joar tswaidoezendnuuntsing. De kirch vol. Wöad, moeziek. Inne lange deens. D’r absjied van d’r Lei.

’t Is zoeë wied. Hu trukt d’r óptsog. Kót langs de noabersjaf van ’t Lieza en d’r Joeëhan. Heë zitst veëdieg an d’r dusj. Kwetsjbuulmoeziek klinkt. De lampekap sjteet óp d’r dusj. Sjtrak zetst d’r Joeëhan die óp d’r kop. Heë sjud ziech alvas inne klinge i. ’t Lieza ruft vanoes de kuche: ‘Joeëhan alwerm inne.

E himmels-jeveul Ing vrugjoarzon in d’r fibberwaar. ’t Juucht in d’r Hannes. Jing winkterkauw. Heë sjtiegt óp d’r [...]

Sjtub Jister is e aakome. Heë is in d’r winkter ing tsiet óngerwaegs jeweë in ’t zude. Um [...]

Rotonde D’r Vasteloavend vilt sjpieë dis joar. Doarum zitse de tswai breur nit in d’r jannewaar an d’r [...]

Pries ’t Lies sjteet in de kuche. Het sjmiert ziech ing bótram. ‘Mós iech diech óch ing sjmiere.’ [...]

Dis naat hat ’t jevroare. D’r wink hat ziech noa ’t oste jedrieënd. De zon sjiengt. De loeët sjtrak blauw. D’r sjriever zitst bij ziech heem an d’r dusj. Kiekt eroes. Jenist de landsjaf. Vuur ziech ligke papier en potloeëd. Jemindlieg sjrieft e diejietaal. Mar óp momente wie noen. Bij dat weer. Wil e sjtil zieë. Ee mit de natoer. Jenauw wie óp zommeroavende.

De letste daag hat ’t jerend. Jet tse vöal in de oge van d’r Joeëhan.  ’t Jeet ‘m óp d’r wekker. Mit de heng in de taesj sjteet e bij de vinster. Heë kiekt eroes. Zieng vrauw is in de kuche. Ze kaocht tsoep. ‘Iech don jans jet jreuns dri. Vietamiene kanne vier noen in d’r winkter jód jebroeche.’ D’r Joeëhan sjwiegt.

Wat inne zóndieg. Dreikönnegke en d’r Prins oesróffe. Allenäu óp inne zóndieg. Dat kunt nit flot vuur. Doarum vange ze mit ’t Dreikönnegke-zinge al vrug aa. Doabij waor ‘t vurriegs joar de intsiegste wieëtsjaf van ’t dörp tsouw. En noen is ze zoeëjaar jans jesjlaose. Mar dat maat hön nuuks oes. ’t Vurriegs joar hant ze d’r sjtal van d’r Kep umjekroamd.

De fesdaag ligke hinger hön. ’t Jeweune in d’r daag kunt lanksaam tseruk. D’r Joeëhan en ’t Lies sjpatsere mit ’t hunke. Óp d’r ek zunt de sjpore van ’t vuuwerk tse zieë. D’r makkadam rozza jekluurd. Doeze langs e muursje jesjtabeld. ’t Hunke ruucht ins vuurzichtieg draa. ’t Lies keurt ‘m.

Ieëtsjte Krisdaag. Tswaide, dreide, veerde, vunnefde krisdaag. Tsiet va lempjer, keëtse. De daag lenge ziech alwerm. Lanksaam roetsjt Krismes in ’t Nuijoar. Lu óngerweëgs noa bezuk. Of bij hön heem.’t Hoes vol erinneroeng. Um tse dele. D’r pap veult die wermde va zieng kinger, de famillieë, vrung um ziech hin. Preuft ’t jemis. Wie kloar d’r himmel óch is. Wil de sjtere i jen heng han.

’t Is e sjtuk lofe vuur d’r pap. Noa ’t Traud en d’r Harie. In de kristsiet ligke bij hön hingenum e deel krisbeum. Ze vinge ’t sjun um die tse verkofe. Ing sjpas va joare. Lu oes d’r trengel kome jeer bij hön. Doabij kan me doa jemuutlieg inne Glühwein drinke. Krismoeziek klinkt oes lautsjpraechere. ’t Oavends junt de lempjer aa. Me vertselt ziech jet. En wie dökser de bechere jevöld weëde, wie mieë me i sjtiemoeng kunt vuur de fesdaach.