Columns 2010

Temperatoer e sjtuk boave de drissieg jraad. Lü lofe troag. Sjatte is vöal jevroagd. Ventilatore vleie de jesjefter oes. Oavende blieve werm. Nate, plekkerieg en winnieg sjlof. 't Jraas kluurt va jreun noa jeël. Sjtrüch mit sjlappe bleer. Doa valle al bleer van de beum.

Haoffinaal. Ing haof sjtond vuur d'r wedstrijd. D'r Ralf foesbalt óp d'r sjtoep. Heë kan d'r jabulani 8 moal hoeëg haode. Van d'r inne vós noa d'r angere. D'r noaberman van de uvverzie zitst óp de kneie in zienne jaad vuur 't hoes. Heë trukt ónkroed oes en wurpt 't in inne emmer.

Sjwatse vus, natoer jekluurd lofe durch d'r drek. Sjtub vleit óp. Abidemi, Basu, Haamid sjneure hinger inne bal. Joemmie, haof leëg. In de township woa ze woeëne, foesballe ze tusje papkartonge hoezer. In de sjtad zient ze óp jroeëse sjerme an jieëvele de jroeëse foesballere.

D'r man van de reklaam leuft durch de sjtroas. Heë trukt e keersje hinger ziech aa. An d'r jrif hingt ing oranje sjtrik. Bij jidder hoes bliet heë sjtoa. Holt e pak reklamebledjer i plastic verpakt oes 't keersje. Duit dat in de brivvebus en leuft wieër noa 't nieëkste hoes.

D'r  pap zitst an d'r dusj in 't tsimmer. Vuur ziech e sjtuk papier mit de wedstrijde van 't WK. Heë völt de oessjleëg i. Aaf en tsouw kratst heë ziech d'r kop. D'r Ralf zitst jekneit óp d'r sjtool neëver hem. Zieng erm sjtutse óp d'r dusj. Heë likt jet vuuruvver.

Urjens tusje tswelf en ing, mondiegmiddieg. Fabrieke sjlisse de poatse. In kantoere kniept me 't lit oes. Autoots sjnirke uvver autoweëg. Veëntjer razele in d'r wink. E sjtóplit sjteet óp jreun. Da sjpringt 't óp oranje. Dat is ing sjiekke kluur. Mar nit bij e sjtóplit.

't Is zoeë wied. De WK vingt aa. De tsiet krüft verbij. 't Doert nog zoeë lang bis d'r Hollender sjpilt. Menütte lieche sjtonde. In 't tsimmer sjteet 't bóch 'Goal' van d'r Leo Pagano óp de kas. 't Is nog van d'r opa. Heë hat in de bejinjoare vóftsieg foesbalpleëtjer jesjpaard.

Urjens in d'r fibberwaar hat d'r Max heem e plastic beks-je mit blommedrek óp de vinsterbank jezatsd.  Doa-i hauw e d'r zoam va joodsblomme jezieënd. Jiddere daag sjprietset heë mit ing plantse-sjpriets wasser óp d'r drek. Al flot koame jreun tiepeltjer oes d'r drek umhoeëg.

Dis joar zouw me bij de brónk jebroech maache van inne 'verkeersregelaar'. Vuur 't ieëtsjt. Ze hauwe jenóg d'rva. Ummer jesjtüerd tse weëde durch fietsere. Went de brónk trók, varete die jeweun d'rtusje durch of uvver d'r sjtoep d'rlangs. D'r Dennis hant ze d'rvuur jevroagd.

De kingertsiet van d'r Joeëhan likt wied hinger hem. E paar mörjens midde-mai trókke de lü doe oes de faar tsezame durch de velder. Ze beënete um ing jouw aos.  Vöal  eppel, biere. Koar mit rieche oare. Jezong kui. Vette verkens. Jemindlieg woar 't kaod, zoeë vrug in d'r mörje

't Foesbalveld likt verlosse d'rbij. De netse van de jole zunt sjtrak jesjpanne vuur d'r nieëkste wedstrijd. 't Lit in de kantien is oes. Dizzen oavend zitse de supportere in 't tejater. D'r verain besjteet hónged joar. Doarum veure versjiedene mitjlieder ing revue óp.

Bij d'r visjkroam óp d'r maat sjtunt ummer de nüedieje lü. En hü mit Jouwe Vriedieg bezóngesj vöal. 'Óp jouwe vriedieg jee vleesj,' zeët inne man. De vrauw van d'r visjkroam pakt d'r visj i wies papier en drieënt nog ins ing tsiedónk drum.

In 't park sjteet e jroeës bild. Versjillende drei-ekke sjtunt reët-óp. Sjpitse lang punte wieze in de loeët. Noa 't ónbejrensde. Rèste óp e breed kót sjtuk. 't Fundament va wat hinger ós likt. 't Jister. D'r künsler neumt zie bild 't ónendlieje. E joar sjteet 't bild noen midde óp inne jraasplai.

Zamsdieg 20 meëts. 't Vrugjoar hingt in de loeët. De Primavera. Inne roek jeet durch de fietswelt. De renvrung sjtrekke ziech de häos. Kiekke oes noa e nui joar mit drieënende reer. Sjtampe, sjwese, sjpektakel. 't Peloton sjlingert ziech berg óp, berg aaf.

Haofvaaste. Óp 't Belsj trekke óptsug durch de sjtroase. Nog eemoal noajenisse van de vasteloavend. Die sjiengt waal ing ieëwiegheet lang jeleie. De lü kiekke mui. Ze hant jenóg van d'r winkter. 't Vrugjoar is kótbij, mar nit de werm temperatoer. Went ze sjpringe va vós óp vós da is 't um e bis-je werm tse krieje.

't Leentje sjteet hinger de vinster. Het kiekt eroes. D'r pap zitst óp de hoekke. Ing knei óppen eëd. Heë hilt zie klingt vas. Teëje ziech aajeduit mit heng die leëve sjutse. Heng die leefde keure. Losse wase. Heng va sjenke. Oane eje nóts. 't Leentje duit inne vinger teëje de roet. In d'r jaad zitst inne voeëjel óp inne tak.

Óp zóndiegmörje loeë de klokke. E vas ritme. Bim bam, bim bam. Neëver de trap van d'r toere hingt de koad van de klok. D'r Louis trukt draa. Jiddere zóndiegmörje, zamsdiegoavend, bejrebnisse. Bij leed en vräud. De lü wisse mit de tüen van de klok besjeed. 'D'r loeë Louis hat jesjproache,' zage ze da.

Tswai wèche noa èsjermitwoch trukt werm inne óptsóg durch de sjtad. Inne óptsóg óch um tse laache. Al zunt de lü die noen mit lofe nit verkleid. Zicher umdat ’t vaaste is. Vilt nog wal jet tse laache? Ejentlieg nit.

D’r vasteloavend sjturft lanksaam voet in d’r èsjermitwoch. Klinkt inne inkele daag nog jet noa. Mar da is ’t verbij. Vas en zicher. Vaaste-tsiet. D’r sjnei sjmilts. De wiese natoer verkluurt i winkterjrauw. De klonevóssjtep toeëne. Wat bliet is de tsiet. Zoeëwie ze is. ‘De tsiet nimt ós mit,’ zeët d’r pastoer bij ’t èsjekrüts-je.

Tswai taxibus-jer vare de sjtroas eri. Vriedieg tswai wèche vuur de vasteloavend. D’r May sjprikt de jezelsjaf nog ee moal tsouw. Heë is d’r roadmanager. Dat hant de angere bedaat. En heë vingt ’t sjun. Heë vertselt weë in wat vuur bus zitst. Weë de kate bij ziech hat.

Ummer kótterbij kunt ‘t fes va klure. Midde fibberwaar. Um diech tse vräue. Mar auw wieë. Weë bedinkt ’t ziech. Jraad da d’r jroeëse Cito vuur de äudste kinger van de basissjoeël. ’t Fes va wisse, kenne, mósse. Liere vuur ’t leëve.

Ze zitse in de kuche bijenee. Tswai breur. De vasteloavend kunt kótterbij. Ze veule ’t kriebbele. Vurriegs joar duiete ze jroeëse sjilderijlieste óp redjer in d’r óptsóg durch de sjtroase. Mar wat dunt ze dis joar. Ejentlieg woare die sjilderijlieste mieë jet vuur noen jeweë.

‘D’r winkter weest dat iech jepensioeëneerd bin. Ing wèch lank sjup iech jiddere daag sjnei.’ D’r sjupper sjteet jeboage. Aaf en tsouw kunt heë reët. Ónger de iesmutsj kómme jet drüppe sjwees. D’r raisversjloes van d’r jas maat heë e sjtuks-je óp. De sjal deed heë ziech aaf.

De welt is sjneibedekt. Ing wiesse dekke. E kleed van bejin. Nog zoeëvöal tse verwade. E broedskleed. D’r dulper noa zoeëvöal nuits, zoeëvöal frisj. Ónger de dekke sjlieëft de welt mit sjpore va jister. Herfsbleer in de eëd vas-jevrore.