Fibberw I
Moeziek-sjandaal
Jinne daag in ’t joar weëd d’r kuchedusj mit zoeëvöal vräud bejrust wie hu. D’r daag dat ze d’r óptsóg besjpraeche. De tswai breur aintseljenger. Óp ’t vel papier hant ze al jet jesjraeve. ’Angs, floep, jewald, krig, krach.’
Ze kieke ziech aa.
‘Nit sjun,’ zage ze teëjenee.
Da nog e woad.
‘Sjandaal’.
Óch zoeë jet.
‘Waad,’ zeët d’r Allewies. ‘Dat is jet angesj. ’t Jeet uvver moeziek. Hel moeziek. Doa junt ze jet aa doeë.’
D’r Jean kiekt jet verwóngerd.
‘Wat is hel moeziek?’
‘Woa diech de oere pieng va dunt. “t Hemme va jeet razele. De brós bieëft. De roete wagkele. Zie eje woad nit is tse versjtoa. De harmonieje voetjage.’
‘Wat kanne vier doamit doeë in d’r óptsóg?’
Dat is ’t moment dat de flesj mit de tswai jleës-jer aa-jesjpraoche weëd. Die sjteet midde óp d’r dusj. ’t Wónger va d’r kuchedusj. En ’t wirkt. D’r Jean vroagt ziene noaber of ze dis joar de moeziekkaar kanne lieëne. En d’r Allewies hat al jet ópjesjraeve.
“Sjandaal is sjleët, d’r naam moeziek nit weëd.’
Óch d’r Jean vilt jet i.
‘Oere wied óp. Moeziek deed nit pieng.’
En dat letste bringt hön óp ’t iedee um jroeëse oere óp d’r kop tse zetse. Dat zal ’t wal weëde. Vuurleufieg is ’t jet um tse viere. Ze profe ’t lofe vuur d’r óptsóg rónk d’r kuchedusj. Mit jenóg sjpriet. En moeziek woa me ziech mit kan losse hure. Wen ze absjied neëme róffe ze an duur: ‘Alaaf.’ Zoeë hel, nit wieër wie d’r sjtoep. Mit de Vasteloavend darf ’t wal jet heller zieë.
2026
