‘t Weëd jekroamd vuur ’t moeziekfes. ’t Bertie en d’r Wiel sjpatsere d’r tusje durch. Preuve de vräud van ’t komende fes. De tuen va kótbij en wiedvoet. De klanke waeche lang rónk klinke. Ze jenisse de rouw in ’t park woa me ’t fes al preuve kan. Tejater oane dure. Itrit i vräud. Ónger ziech alling, intsel of mit mieë doa zieë.
Ze zetse ziech óp ing bank. Klarinettuen klinke tusje sjtruuch en beum. Konzeët vuur intsele. Ze wille danse. De weëd va moeziek. Hön plaatsj vuur de komende waeche. En de klingkinger junt mit. Zoeëwie mamme en pappe. Kinger i weëns. Ies óp de voes. Sjpieële ziech jroeës i moeziek. ’t Park verbónge noeëte sjpel.
‘Joa’, zeët ’t Bertie, ‘de vakans hei.’
Loestere noa insjtroemente, intsel of mieë. Symfonie kinger lieët. Miensjlieg tsaart. Fluusterend i d’r wink. En durch de loeët sjweëve engele. Buun i sjterelit. Dure wied óp. Itrit vrij. Um ziech heem tse veule.
