meëtsIII
Zoeë lang
‘Zoeë lang vier dat nog kanne doeë’.
Ing zin um ’t vrugjoar mit tse bejinne. Jraad hu is d’r verjoardieg va d’r Wiel. Heë zetst van al óp d’r dusj. Klumpjer, plets-jer, sjieps, neus. ’t Bertie sjniet in de kuche d’r kóch aa.
‘Priema Wiel. Besser tse vöal wie tse winnieg.’
‘Joa, en oma’s en opa’s zunt d’r um tse verwenne.’
Dierek kome ze. De klingkinger met hön mamme en pappe. D’r verjoardieg van d’r opa. Inne daag um tse zinge, sjnuutse, sjpieële. Mit jesjenker um oes tse pakke.
Mit tseechnoenge um óp tse hange. D’r daag durch.
Wen ze noa heem junt, krient ze inne potloeëd um mit tse moale. Jenauw wie ’t vurriegs joar. En um i jen eëd tse sjtaeche. Um ze tse losse bluie vuur d’r jouwe tswek.
’t Bertie en d’r Wiel winke ze oes. Noa inne daag van jans jet ‘um’….Ing tsiet blieve ze an duur sjtoa. Mit erm uvver de sjouwere. Um tse zage.
‘Zoeëlang vier dat nog kanne doeë.’
2026
