2014novIIIlaat u voorlezen!)

 

Tswelf hoeëg

Hoezer, tuur, umwikkeld durch beum. Jeflieëte bleerteppieg i herfsklure. De zon neer. 't Sjpel va wólke. De lidder van auto's luete óp. Sjmiltse anee. E lint in d'r duuster.  Lanksaam versjniepere ze. Naatsrouw. D'r Han kiekt eroes vanoes zie krankebed.  Tswelf hoeëg. In 't tsimmer is 't duuster. Lit van d'r jank vilt eri. Ing sjtim klinkt. 'Zuster'. Vóssjritte.
D'r Han doekt jet i. D'r infuus piept. Heë huet 't nit. Da sjrukt e wakker. Dinkt dat e heem is. Ziet e jezich neëver ziech. Inne sjiemer teëje de roet. Inne hologram. D'r Han komfoes. De sjluuch an zie lief bringe hem tseruk noa 't sjpetaal. 't Jezich maat ziech los van de roet. Ing verpleegster fluustert. Heur sjtim sjenkt 'm naatsrouw. Inne depe sjlof.
An duur wase de lidder van de auto's noa ee tsouw. Inne mörjesjlaif. D'r bleerteppieg kriet kluur. Sjtriechlit.
D'r Han maat de oge óp. Tswelf hoeëg. Boave de wirkliegheet. D'r daag i loeët. Kótbij.